اردو کی نثری داستانیں | Urdu Ki Nasri Dastanay | گیان چند جین

کتاب: تعارف
اردو کی نریی داستانیں در اصل گیان چند کا پی ایچ ڈی کا مقالہ تھا جسے انہوں نے بعد میں ترمیم و اضافے کے ساتھ شایع کیا۔ یہ کتاب داستانی ادب کی ارتقاء و ترویج کے موضوع پر بہترین کتاب ہے۔ نثری داستان نویسی کی روایت اور اس کی ترقی کے اسباب پر انہوں نے خاص توجہ دی ہے۔ اس کتاب کو تیرہ ابواب پر تقسیم کیا گیا ہے ۔ اور عہد بہ عہد داستان گوئی کی تاریخی ، سماجی، سیاسی، اقتصادی ترقی و ترویج کو بہت ہی واضح انداز میں بیان کیا ہے۔ پہلا باب عہد قدیم کی قصہ گوئی پر محمول ہے۔ دوسرے باب میں اردو کا قدیم افسانوی ادب بیان کیا گیا ہے۔ پھر داستان کے فروغ و زوال کے اسباب پر بحث کی گئی ہے۔ اس کے بعد دکنی قصہ گوئی پر گفتگو کی گئی ہے۔ پھر شمالی ہند میں داستان نویسی پر بحث کی گئی ہے۔پھر فورٹ ولیم کالج کی خدمات اور داستانوی ادب پر بات ہے۔ اس کے بعد سنسکرت اور ہندی سے متاثر قصہ گوئی کو موضوع سخن بنایا گیا ہے۔پھر سرور کے عہد کی قصہ گوئی پر بات کی گئی ہے۔ اس کے بعد اردو میں الف لیلوی داستانوں پر بات کی گئی ہےپھر داستان امیر حمزہ پر بات کی گئی ہے۔ اس کے بعد بوستان خیال پر گفتگو ہےاور آخر میں اردو ادب میں داستان کے مقام و مرتبے کو مضوع سخن بنایا گیا ہے۔ کتاب داستان گوئی اور قصہ گوئی کے موضوع پر ایک بہترین کتاب ہے۔